Abeer
Lifestyle, Media and Advertisement, Fashion & Style · Baghdad, Iraq
من جنت مراهقة، الكاميرا كانت جزء من يومي. أحب أصوّر تفاصيل حياتي البسيطة وأشاركها ويا أهلي وأقرب الناس إليّ، حتى قبل ما تصير السوشيال ميديا جزء من حياتنا مثل هسه.
من سويت أول حساب، بديت أنشر أكثر، والموضوع كان ممتع بشكل ما أتخيله. شوي شوي، المتابعين كبروا؛ بالبداية كانوا مجرد عائلة، وبعدها صاروا عائلة أكبر ومجتمع جميل أشارك وياه لحظاتي واهتماماتي.
بعد فترة، ابتعدت عن كل التطبيقات وسويت إلها حذف نهائي، ولمن قررت أرجع لهوايتي المفضلة اكتشفت أن ما بقى إلي أي حساب أرجعله. بس بصراحة؟ ما اعتبرتها خسارة.
بالعكس، حبيت أبدأ من الصفر مرة ثانية.
واليوم يمكن بعدني قريب للصفر، بس مو مشكلة أبدًا. لأن أكثر شي أحبه مو الرقم، وإنما الرحلة نفسها. أستمتع بكل خطوة، بكل تجربة، وبكل شخص جديد يمر من هنا.
ما يهم شكد راح تاخذ الرحلة من وقت، ولا شنو راح تكون وجهتها النهائية… المهم أني مستمتعة بالطريق، وسعيدة إني رجعت أسوي الشي اللي أحبه.
